ეს არის მსოფლიოში ერთადერთი არაფორმალური დღესასწაული, რომელიც შექმნილია საგანგებოდ მომხმარებლებისთვის. როგორც წესი, სხვადასხვა ორგანიზაციების წარმომადგენლები ულოცავენ დღესასწაულს:

• მომსახურებისა და საქონლის მყიდველებს;
• სავაჭრო ცენტრებისა და მაღაზიების მომხმარებლებს;
• კომერციულ-სავაჭრო ინტერნეტ გვერდების მომხმარებლებს;
• პარტნიორებს.

ამ დღესასწაულის მიზანია საშუალება მისცეს კომპანიებსა და საწარმოებს გაიხსენონ, მიულოცონ და სრულად გამოხატონ საკუთარი პატივისცემა თავისი მომხმარებლების მიმართ. დღესასწაულის მთავარი ატრიბუტია მომხმარებლის მიმართ ყურადღების გამოხატვა სხვადასხვა ფორმებით.

 

ამ დღესასწაულის დაფუძნებამდე მრავალი კომპანია ტრადიციულად ულოცავდა თავის მომხმარებლებს შობას, 8 მარტს, წმინდა ვალენტინის დღეს, აღდგომას და მრავალ სხვა დღესასწაულს, რომელთაც სულ სხვა დატვირთვა აქვს. დღეს ბიზნესის წარმომადგენლებს, სახელმწიფო დაწესებულებებსა და პარტნიორებს შეუძლიათ სიამოვნებით მიულოცონ საკუთარ მომხმარებლებს ამ მიზნით საგანგებოდ მათთვის გამოყოფილ დღეს. მომხმარებელი ხომ ბიზნესის საფუძველია.

2010 წელს კლაიპედის ერთ-ერთი კომპანიაში გადაწყვიტეს მორიგი დაბადების დღის აღნიშვნა და შემოქმედებითად მიუდგნენ ამ საკითხს:

„იქნებ ჩვენი მომხმარებლებისთვის მიგველოცა, მომხმარებელი ხომ ბიზნესის საფუძველია?"

 

ხანგრძლივი დისკუსიების შედეგად კომპანიამ დაადგინა, რომ მსოფლიოში არ იყო დღე, რომელიც მომხმარებლისთვის იქნებოდა განკუთვნილი, ამიტომ გადაწყვიტეს ასეთი დღის შექმნა.

2010 წლის 19 მარტს გაიგზავნა „მომხმარებლის დღის“ პირველი მისალოცები კლაიპედიდან მსოფლიოს სხვადასხვა ქალაქში. ამ მოვლენის დაწესებას ხელი შეუწყო პრესამ, დომენის სახელმა «ClientsDay.com», ასევე ლიტვურმა კალენდარმა «day.lt».

­

2011 წელს ყველაზე აქტიურმა და პოზიტიურმა კომპანიებმა დაიწყეს საკუთარი მომხმარებლების მილოცვა და დღესასწაულის იდეის გავრცელება.

­

2012 წელს პროცესი დაჩქარდა და დღესასწაულის იდეამ ვირუსივით დაიწყო გავრცელება. იზრდებოდა იმ კომპანიათა რიცხვი, რომლებიც ულოცავდნენ თავის მომხმარებლებს. ინიციატივას მხარი დაუჭირა პრესამ და კლაიპედის სავაჭრო-სამრეწველო პალატამ. სხვათა შორის, შეფის დღე (ბოსის დღე) რეგისტრირებულია აშშ-ს სავაჭრო პალატაში.